Unsa diay ning Agapi? – Danny S. Macalunsay

0 25


Kining agapi, usa ka bag.ong systema nga namugna sulod sa dagitpukot, kini usa ka matang sa dagitangan (digital asset) o sapi nga napahiluna sa dagitpukot (digital money). Dili kini susama sa ordinaryo na sapi nga atong kanunay nga mahikap, kini nga matang sa salapi sa dagitpukot dili makuptan sa kamot ug dili sad kini makawat. Ikaw ra ang mag buot kun kanus.a nimo kini igasto ug wala’y control ang banko ug kagamhanan sa kini nga matang sa sapi. Dili sad kini mahack susama na lang sa BDO nga kalit lang kawagtang imong sapi ug wala na lang ka’y dag.anan kay hasta ang banko wala man sad diay alamag.

Imo sad mabantayan nga kining agapi aduna pu’y kaamgid sa Gahin Tip.ig (Stock Market) apan dinagko ang volatility ani kon itandi sa Gahin Tip.ig.

Adunay daghan’g matang sa agapi, ang kinasikat (sa pagkakaron) kay ang Bitcoin. Aduna sa’y Ethereum ug Ripple, apan unya na lang ko na tuki.on sila’ng duha kay taas.taas na man tawon na nga sugilanon. Bitcoin una akong tuki.on niining blag aron dili kaayo taas akong lunkipak.on ug imong kinahanglan’g basahon.

Bitcoin ang kinaunang agapi, ilahang giingon nga si Satoshi Nakamoto daw ang gamugna sa Bitcoin. Wala (pa) mailhi kon kinsa si Satoshi Nakamoto, ug duna’y uban nga niingon na kini si Satoshi Nakamoto usa ka panagtapok sa magkalain.laing tawo, organisasyon, dagipok, o usa ka kumpanya. Daghan sad nga mga tawo ang miangkon nga sila si Satoshi Nakamoto, ilabi na si Craig Wright, apan naa na lang na kaninyo, mga higala, kon asa mo mutuo.

Craig Steven Wright, usa sa mga personalidad nga niangkon na gamugna sa kinauna’ng agapi, ang Bitcoin.

Kining systema sa agapi, ubay.ubay jud nga makasapi ka niini kon kahibaw ka lang sa lihok ug kahibaw ka’ng mulikay sa mga ilad o scams. Kasagaran sa mga ilad ug scam kay makita nimo sa mga ICO/IEO ron. Tuki.on ko ni sa sunod nga blag puhon kay ang pag likay sa mga scam usa sa mga angay nga imong makat.onan aron dili ka malugi.

(277 ka mga Singkit, natanggong tungod sa scam sa agapi)

Sunod nako’ng tuki.on: Unsaon sa pag ilis sa imong sapi, gikan sa piso (?) ngadto sa Bitcoin (BTC), ug unsaon nga makadeposito ka nga dili na kinahanglan og banko. Atangi ang sunod nako nga blag.

You might also like

Pin It on Pinterest

Share This

Share this post with your friends!

WhatsApp chat